Parkinqlə parkı səhv salan "BMW" sürücüsü - VİDEO

“İşini” yüngülləşdirmək istəyən sürücü avtomobilini parkda saxlayaraq qayda pozub.
Avtosfer.az xəbər verir ki, mövcud qayda pozuntusu Nərimanov rayonunun Bakıxanov küçəsində qeydə alınıb. Həvəskar sürücünün çəkərək şikayət etdiyi görüntüdən də bəlli olduğu kimi 99-CO-505 dövlət nömrə nişanlı, “BMW 530l” markalı avtomobilin sürücüsü dayanma-durma qaydasına məhəl qoymayıb. Belə ki, qaydanı gözardı edən sürücü maşınını birbaşa "Dədə Qorqud" parkının içinə salmaqla kifayətlənməyib, onun üçün uyğun yer tapmağı da bacarıb. Sükan arxasında olmayan sürücünün hansı məqsədlə bu yola əl atması dəqiq bilinməsə də, dayanma-durmadan bixəbər olduğu aydın məsələdir.
Qeyd edək ki, qayda pozuntusuna baş vuran sürücü İnzibati Xətalar Məcəlləsinin 346-cı maddəsinə əsasən, 20 manat cərimə ödəmək məcburiyyətindədir. 

Nərmin