Paytaxt ərazisində köşklərdən oğurluq edən şəxslər saxlanılıb

Nizami və Suraxanı rayonlarında yerləşən 2 köşkdən oğurluqlar edilib və zərərçəkənlərə 4000 manata yaxın ziyan vurulub.

Bu barədə Avtosfer.az-a Daxili İşlər Nazirliyindən məlumat verilib.

Bildirilib ki, polis əməkdaşlarının keçirdikləri tədbirlərlə əməlləri törətməkdə şübhəli bilinən 25 yaşlı M.İmamverdili və əvvəllər dəfələrlə məhkum olunmuş 32 yaşlı Ə.Əliyev saxlanılıb.

Aparılan araşdırmalarla Ə.Əliyevin bir nəfərə məxsus bank kartından 465 manat pul oğurladığı da müəyyən edilib.

Araşdırma aparılır.