Paytaxt küçələrində qayda pozmaqdan əl çəkməyən piyadalar - VİDEO

Demək olar ki, hər gün piyada vurulmasıyla nəticələnən qəzalar qeydə alınır. Baş vermiş bədbəxt hadisənin səbəbkarı bəzən sürücülər olsa da, qayda pozaraq qəzaya səbəb olan piyadalar da kifayət qədərdir. Belə ki, bir qisim piyadalar yaxınlıqda keçidin olmasına baxmayaraq yolu təyin olunmamış yerdən keçərək təhlükə yaradırlar. Ən pis halda isə öz həyatlarını itirirlər. 

Paytaxtın müxtəlif ərazilərində qayda pozaraq sürücülərə təhlükə yaradan piyadalar kameraya düşüb. 

İnşaatçılar prospektində qeydə alınmış görüntüdən də aydın olduğu kimi, iki nəfər gənc avtomobillərin intensiv hərəkətdə olduğu yoldan qaçaraq keçirlər. Halbuki bir neçə metr qarşıda nizamlanmış piyada keçidi mövcuddur.

Digər xoşagəlməz hadisə isə Binəqədi rayonu Həmzə Babaşov küçəsində baş verib. Belə ki, piyada hərəkətdə olan maşına əhəmiyyət vermədən yolu keçmək istəyir. Bu zaman sürücü siqnal verərək ona xəbərdarlıq etdikdən sonra piyada geri çəkilir. 

Nərmin