Paytaxtda bu marşrut xətti üzrə gediş haqqı artırılıb? – “BakuBus”dan AÇIQLAMA- FOTO

Bakıda ictimai nəqliyyatda gediş haqları daim diqqət mərkəzindədir. Tariflər müxtəlif ödəniş sistemləri vasitəsilə həyata keçirilir və sərnişinlər marşrutlarda balans və ödəniş imkanlarını istifadə edirlər. Gediş haqlarının tətbiqi və ödəniş mexanizmləri ictimai nəqliyyatın gündəlik fəaliyyəti üçün əsas rol oynayır. Bəzən gediş haqqının artırılması cəmiyyətdə narazlıqla qarşılanır.
Bu cür hallardan biri də Avtosfer.az-ın qaynar xəttinə daxil olan şikayətdə öz əksini tapıb. Vətəndaşlardan biri paytaxtda fəaliyyət göstrən “BakuBus” MMC-yə məxsus 17 nömrəli avtobusda gediş haqqının artdığını iddia edib. Onun sözlərinə görə, daim “Gənclik” metrosunun qarşısından 17 nömrəli avtobusa minərkən həmişə 60 qəpik ödəyib. Bu məbləğ sərnişinin uzun müddətdir tanış olduğu və hərəkət etdiyi tarif olub. Lakin bu gün o fərqli mənzərə ilə qarşılaşıb. Sərnişin QR kodla 60 qəpik ödəniş etməyə çalışdıqda, ödənişin ləğv olunduğunu və balansın kifayət qədər olmadığını görüb. Ancaq onun bank kartında gediş haqqını ödəyəcək qədər məbləğ olub. Sərnişin yenidən yoxlayıb, eyni problemi yaşadıqdan sonra 80 qəpiklik ödənişi seçmək məcburiyyətində qalıb və bu zaman ödəniş qəbul olunub. Hadisə gediş haqqının yüksəldilməsini göstərib və tariflə bağlı kifayət qədər açıqlıq olmadığı təəssüratını yaradıb.
Yaranan problemlə bağlı “BakuBus” MMC-nin mətbuat katibi Əsmər Əliyeva Avtosfer.az-a açıqlamasında bildirib ki, yaranan problem texniki nasazlıqla əlaqəlidir:
“Bu gün saat 07:30 radələrində “BakuBus” MMC-nin istismarında olan 17 nömrəli müntəzəm marşrut xətti üzrə hərəkət edən, 99-JU-749 dövlət qeydiyyat nişanlı avtobusun validator- ödəniş sistemində texniki nasazlıq yaranıb. Qeyd edək ki, marşrut xətti üzrə gediş haqqı 0.60 AZN təşkil edir. Lakin texniki nasazlıq səbəbindən sərnişinlərin ödənişləri sistem tərəfindən 0.70 AZN məbləğində qeydə alınıb. Avtobusu idarə edən sürücü yaranmış vəziyyətlə ilə bağlı dərhal Monitoring Mərkəzinə məlumat verib. Sərnişinlər sonuncu dayanacağa çatdırılıb. Nasazlıqla bağlı “BakıKart”a məlumat verilib, son dayanacaqda baxış keçirilib və texniki nasazlıq qısa müddətdə aradan qaldırılıb. Yaranmış narahatlığa görə sərnişinlərdən üzr istəyirik”.
Nurcan Babək

Qırmızıda yolu qaçaraq keçən yaşlı kişi təhlükəli anlar yaşatdı - VİDEO
İqlim dəyişikliyi milyonadək insanın ölümü ilə nəticələndi
Nizamidə işıq dirəyinin lampası az qala maşının üstünə düşəcəkdi - VİDEO
Çuxurlar yolu iflic edib, sürücülər əks yola çıxmağa məcbur qalır - VİDEO
Təcili yardıma yol verən sürücünün avtomobilini vurdu, sonra ərazidən qaçdı - VİDEO
Xocasən yolundakı çuxurlar ya ziyan vurur, ya da qəza riski yaradır - VİDEO
İçərişəhərdə maşınını park edən idmançı qiymətdən şoka düşdü - VİDEO
Biləcəridə nəhəng ağac yolu bağladı, işi yarımçıq qoyub getdilər - VİDEO
Xırdalanda güclü külək binanın dam örtüyünü uçurdu – VİDEO
Bakıda avtobus qəza törətdi: Ölən var
Sərhədi uçuş aparatı ilə pozan İran vətəndaşı saxlanıldı - DSX-dən ƏMƏLİYYAT - VİDEO












