Paytaxtda qalanan tonqal avtomobili külə döndərdi - VİDEO

Bakıda maşın yanıb, sürücüyə 15 min manatdan çox ziyan dəyib.

Avtosfer.az oxu.az-a istinadən xəbər verir ki, bu gün Azərbaycan Tibb Universitetinin Tədris Terapevtik Klinikasının yaxınlığında maşın yanıb.

Hadisənin dünənki Od çərşənbəsi zamanı yandırılan tonqalın qalıqlarının tamamilə söndürülməməsi səbəbindən baş verdiyi ehtimal olunur.

Məlumata görə, bu gün klinikanın həkimlərindən biri avtomobili klinikanın qarşısında saxladıqdan bir neçə dəqiqə sonra maşında yanğın başlayıb. Nəticədə nəqliyyat vasitəsi yanaraq yararsız hala düşüb.

Yanğın zamanı xəsarət alan olmayıb.

Hadisə yerinə yanğınsöndürənlər cəlb ediliblər və hazırda yanğının söndürülməsi istiqamətində işlər davam etdirilir.