Piyadanı vuran sürücü avtomobili yandırıb - İz gizlətmək üçün - FOTO

Piyadanı vuran sürücü iz gizlətmək üçün avtomobili yandırıb. Avtosfer.az xəbər verir ki, hadisə Rusiyada baş verib.

Məlumata görə, 34 yaşlı sürücü idarə etdiyi “VAZ-2100” markalı avtomobillə hərəkətə olarkən yolun piyadalar üçün nəzərdə tutulmayan hissəsindən keçməyə çalışan piyadanı vurub.

Qəza nəticəsində piyada aldığı ağır xəsarətlərdən ölüb. “VAZ”ın sürücüsü hadisə yerindən qaçıb və daha sonra iz itirmək üçün avtomobili yandırıb.

Hüquq-mühafizə orqanlarının əməkdaşları tərəfindən aparılan araşdırma zamanı sürücü və ona məxsus qismən yanmış avtomobili tapılıb.

Faktla bağlı cinayətə işi açılıb.

Namiq Musayev