Poçt işçisi 780 mindən çox pulu oğurlayıb şöbəni yandırmaq istədi - Rusiyada hadisə

Rusiyanın Tatarıstan Respublikasında poçt şöbəsinin əməkdaşı xüsusilə külli miqdarda oğurluqda və cinayətin izlərini gizlətmək məqsədilə şöbəni yandırmağa cəhddə şübhəli bilinir. Avtosfer.az bu barədə Oxu.az-a istinadən xəbər verir.

Tatarıstan Prokurorluğunun məlumatına görə, Yelabuqa Şəhər Prokurorluğu xüsusilə külli miqdarda oğurluq faktı üzrə cinayət işinin başlanmasını qanuni hesab edib və istintaqın gedişini nəzarətə götürüb.

İstintaqın versiyasına əsasən, qadın 2022-ci ilin yazından 2026-cı ilin iyulunadək poçt şöbəsinin kassalarından mütəmadi olaraq pul mənimsəyib. Müəyyən edilmiş çatışmazlığın ümumi məbləği 61 milyon rubldan (təxminən 780 min ABŞ dolları və ya 1.3 milyon manat) çox olub.

Bildirilir ki, şübhəli şəxs mənimsədiyi vəsaiti şəxsi ehtiyaclarına xərcləyib. O, cinayətin izlərini gizlətmək və bədbəxt hadisə görüntüsü yaratmaq məqsədilə poçt şöbəsini yandırmağa cəhd etsə də, yanğının qarşısı vaxtında alınıb.

Faktla bağlı Rusiya Cinayət Məcəlləsinin müvafiq maddəsi ilə cinayət işi başlanıb. Prokurorluğun mövqeyi nəzərə alınaraq, qadın barəsində həbs qətimkan tədbiri seçilib.