Polis axtarışda olan şəxsi qarderobda yorğana bükülmüş halda tapdı - VİDEO

Uzun müddətdir müxtəlif cinayətlərdən axtarışda olan şəxs gizləndiyi evin qarderobundan tapılıb. Avtosfer.az xəbər verir ki, Türkiyənin Konya şəhərində baş verən hadisənin görüntüləri polis əməliyyatı zamanı qeydə alınıb. Belə ki, Konya Polis İdarəsinin İctimai Təhlükəsizlik Şöbəsinin Axtarışda olan Şəxslər Bürosunun əməkdaşları 49 fərqli cinayətdən uzun müddətdir axtarışda olan Mehmet A.-nı tutmaq üçün əməliyyat keçiriblər. Araşdırmalar nəticəsində polis əməkdaşları şübhəlinin Şeyhali küçəsindəki bir evdə gizləndiyini müəyyən ediblər. Polislərin evdə apardıqları axtarış zamanı Mehmet A.-nı yataq otağındakı qarderobun üst hissəsində bükülərək yorğan arxasında gizləndiyini aşkar ediblər. Yaxalanan şübhəli polis nəzarətində bölməyə aparılıb.

Sözügedən hadisənin anbaan videosunu təqdim edirik:

Namiq Musayev