Polis ev və mağazalardan oğurluq edən şəxsi saxlayıb

Sabunçu rayonu ərazisində silsilə oğurluq hadisələri qeydə alınıb. Daxili İşlər Nazirliyinin Mətbuat xidmətindən Avtosfer.az-a verilən məlumata görə, gecə saatlarında rayon ərazisində yerləşən ev və mağazalardan elektrik avadanlıqları, eləcə də təmir-tikinti alətləri naməlum şəxs tərəfindən talanıb. Sabunçu RPİ 14-cü Polis Şöbəsi əməkdaşlarının keçirdikləri tədbirlərlə əməlləri törətməkdə şübhəli bilinən, əvvəllər də oğurluqla əlaqəli cinayətlərə görə məhkum olunmuş 34 yaşlı H.Quliyev müəyyən olunaraq saxlanılıb. Araşdırma aparılır.