Polkovnik-leytenantın 14 yaşlı qızı Türkiyədə vəfat etdi

Türkiyədə azərbaycanlı qız cərrahi əməliyyatdan sonra vəfat edib.

Avtosfer.az-ın “Qafqazinfo”ya istinadən məlumatına görə, 2010-cu il təvəllüdlü Məleykə Qoşqar qızı Abışova iki gün əvvəl onurğa əyriliyindən əməliyyat olunub. Cərrahi müdaxilədən sonra onun səhhəti kəskin pisləşib və ötən gün dünyasını dəyişib.

Qeyd edək ki, həyatını itirən yeniyetmə Azərbaycan ordusunun zabiti, “Azərbaycan bayrağı” ordenli polkovnik-leytenant Qoşqar Abışovun qızıdır.

Mərhumun nəşi ötən gecə Azərbaycana gətirilib və bu gün Biləsuvarda dəfn edilib.