Portuqaliyada funikulyor relsdən çıxdı - Ölən və yaralananlar var - YENİLƏNİB

Lissabonda (Portuqaliya) turistlər arasında populyar olan "Elevador da Gloria" funikulyorunun qəzası zamanı həlak olanların sayı 17-yə çatıb. Ölkə prezidenti Marselu Rebelu de Souza həlak olanların xatirəsinə 4 sentyabrı milli matəm günü elan edib.

Avtosfer.az xəbər verir ki, bu barədə "Publico" nəşri məlumat yayıb.

Lissabon meri Karluş Moedaş paytaxtda üçgünlük matəm elan edib. Şəhərdəki bütün funikulyorlar texniki yoxlama başa çatanadək fəaliyyətini dayandırıb. İlkin məlumata görə, funikulyorda baş verən qəzanın kanatın qırılma səbəbindən baş verdiyi ehtimal olunur.

***09:12

Portuqaliyanın paytaxtı Lissabonda funikulyor qəzası baş verib.

Avtosfer.az xarici KİV-ə istinadən xəbər verir ki, Lissabonun məşhur turistik məkanı olan “Gloria” funikulyoru relsdən çıxıb.

İlkin məlumata görə, qəza nəticəsində 15 nəfər ölüb, 20 nəfər yaralanıb.