Prezidentin iqamətgahına girmək istəyən şəxs güllələndi - YENİLƏNİB

ABŞ Prezidenti Donald Trampın iqamətgahına daxil olmağa çalışan şəxs şerif müavini və təhlükəsizlik xidmətinin iki əməkdaşı ilə qarşılaşıb.

Avtosfer.az xəbər verir ki, bu barədə Florida ştatının Palm-Biç dairəsinin şerifi Rik Bredşou "Fox News"a açıqlmasında danışıb.

O bildirib ki, təhlükəsizlik xidməti hücum edən şəxsə silahı yerə qoymağı əmr edib, lakin o, ov tüfəngini hüquq-mühafizə orqanlarına tuşlayıb. Nəticədə əməkdaşlar kişini zərərsizləşdirməli olublar.

Qeyd edək ki, insident yerli vaxtla saat 01:30-da (Bakı vaxtı ilə saat 10:30 - red.) baş verib.

***19:18
ABŞ-ın Florida ştatının Palm Biç şəhərində ABŞ Prezidenti Donald Trampın Mar-a-Laqodakı iqamıtgahının təhlükəsiz sərhədlərinə daxil olan şəxs güllələnərək öldürülüb.

Avtosfer.az-ın məlumatına görə, bu barədə ABŞ Məxfi Xidməti məlumat yayıb. Hadisə zamanı Prezident və ailəsi Ağ Evdə olub.

Güllələnən şəxsin adı açıqlanmayıb. Gizli Xidmətin məlumatına görə, o, ov tüfəngi və yanacaq konteneri apararkən Mar-a-Laqo iqamətgahının şimal qapısında müşahidə edilib.