“PUBG”nin təsiri altında olan gənc 5 nəfəri bıçaqladı: Hərəkətlərini kameraya çəkdi - VİDEO

Türkiyənin Eskişehir bölgəsində bıçaq və balta ilə silahlanan bir gənc ətrafdakı insanlara hücum edib. Avtosfer.az yerli KİV-ə istinadən xəbər verir ki, bir çay bağçasında oturan həmvətənlərinə kəsici alətlərlə hücum edən 18 yaşlı gənc cinayət anını videoya çəkib.

Görüntülərdə onun qarşısına çıxan hər kəsə xəsarət yetirdiyi görünür. Hadisənin törədildiyi an cinayətkarın üzündə maska, əynində qoruyucu jilet, başında isə xüsusi kaska olub.

Hadisə nəticəsində 5 nəfər xəsarət alıb.

Artıq polis hadisəni törədən 18 yaşlı gənci saxlayıb. Onun “PUBG: Battlegrounds” döyüş oyunlarının təsiri altında bu cinayəti törətdiyi ehtimal olunur.

Xəsarət alan vətəndaşlar ətrafdakı xəstəxanalara yerləşdiriliblər. Onlardan ikisinin vəziyyətinin ağır olduğu bildirilir.

Faktla bağlı cinayət işi açılıb, istintaq işi başladılıb.

Bildirilir ki, onun sosial media hesablarında insanlara qarşı nifrət və cinayət xarakterli yazıları, eləcə terror planlarının əks olunduğu paylaşımlar etdiyi aşkarlanıb.

Namiq Musayev