Qayda pozan qadın övladıyla birlikdə motosikletə çırpılmaqdan son anda xilas oldu - VİDEO

Paytaxtın Nərimanov rayonu, Şah İsmayıl Xətai prospektində qayda pozan piyada görüntülənib.

Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb. Videodan göründüyü kimi, azyaşlı övladıyla yolu təyin olunmamış yerdən keçən qadın sürücülərə təhlükə yaradıb. Belə ki, hərəkətdə olan maşınlara əhəmiyyət verməyən piyadalar motosikletə çırpılmaqdan son anda xilas olublar. Xoşbəxtlikdən motosiklet sürücüsü dayanaraq onları vurmaqdan yayınıb.

Qeyd edək ki, görüntü sosial şəbəkədə birmənalı qarşılanmayıb. İzləyicilər qadının övladına yol hərəkəti qaydalarını öyrətmək əvəzinə onu təhlükəyə atmasını tənqid ediblər.

Nərmin