Qəza zamanı yaralananlara kömək edən həkimi döyüb başına tapança dirədilər - VİDEO

Yol qəzasında zərərçəkənlərə kömək edən həkim gənclər tərəfindən döyülüb. Avtosfer.az xəbər verir ki, Tatarıstanda baş verən hadisənin görüntüləri avtomobilin kamerasına düşüb. Məlumata görə, Baltasinski rayonunda xəstəxanaların birində həkim kimi çalışan Ayaz Məzitov işdən qayıdarkən arxda aşmış avtomobili görüb. Həkim kömək üçün dayanıb, lakin bir qrup şəxs ona hücum edərək döyüb və daha sonra oranı tərk ediblər.
Zərərçəkənin sözlərinə görə, həmin şəxslər onu öldürməklə hədələyib və başına tapança dayayıblar. Həkim hazırda xəstəxanadadır. 
Hüquq-mühafizə orqanlarının əməkdaşları tərəfindən keçirilən əməliyyat-axtarış tədbirləri nəticəsində 18-21 yaşlarında olan 4 gənc saxlanılıblar. 
Sözügedən hadisənin videosunu təqdim edirik:

Namiq Musayev