Qırmızıda yolu qaçaraq keçən kişi sürücünü qəza təhlükəsi ilə üz-üzə qoydu - VİDEO

Sabunçu-Zabrat yolunda qayda pozan piyada qəza təhlükəsi yaradıb.

Avtosfer.az-ın məlumatına görə, hadisə martın 30-da saat 07:40 radələrində qeydə alınıb. Kadrlardan görünür ki, orta yaşlı kişi işıqforun qırmızı işığında yolu qaçaraq keçib və yaxınlaşan avtomobilə məhəl qoymayıb. Bu zaman sürücü idarəetməni itirmə təhlükəsi ilə üzləşib, lakin o, son anda qəzadan yayınıb. Hadisədən sonra sürücü piyadaya iradını bildirib.

Videodan həmçinin aydın olur ki, digər piyadalar qaydalara riayət edərək işıqforun yaşıl işığını gözləyiblər, yalnız hadisə zamanı yol keçən şəxs qaydaları pozub.

Xatırladaq ki, işıqforun qırmızı işığında yolu keçmək ciddi təhlükə yaradır və həm piyada, həm də sürücü üçün qəza riskini artırır. Piyadalar yalnız yaşıl işıqda və onlar üçün nəzərdə tutulmuş keçidlərdən keçməlidir. Bu qaydalara riayət təhlükəsizliyi təmin edir və qəza hallarının qarşısını alır.

Nərmin