“Qoçuluq” edən sürücü motosikleti küncə sıxışdırdı - VİDEO

Bir anda ürəyi sağa dönmək istədi, motosikleti sıxışdırdı.
Avtosfer.az xəbər verir ki, şahid avtomobilin videoregistratoruna düşən hadisə Ziya Bünyadov Keşlə  dayanacağına gedən yolda qeydə alınıb. Videodan bariz şəkildə göründüyü kimi “Hyundai” markalı, 90-SP-847 dövlət nömrə nişanlı avtomobilin sürücüsü yolun sağ tərəfi ilə hərəkət edən motosikletə sataşıb. Avtomobilini bir neçə dəfə sağa verərək yenidən öz yoluna qayıdan “Hyundai” sürücüsü motosikleti qəsdən sıxışdırıb. Hadisədən baş açmayan motosiklet sürücüsü onu ötmədən yoluna davam edib. Yol ayrıcında dayanan motosiklet onu sıxışdıran avtomobilin sürücüsü ilə dialoq qurub və niyə bu hərəkətə yol verdiyini soruşub. “Hyundai” sürücüsü cavabında onu sağdan ötmək istədiyi üçün bilərəkdən bu hərəkəti icra etdiyini çəkinmədən qeyd edib. 

Nərmin Əkbər