“Qonşu 10 yaşlı uşağı vəhşicəsinə döyüb” - VİDEO - FOTO

Hadisə 25 Dekabr 2023 15:38 Oxunub 274
“Qonşu 10 yaşlı uşağı vəhşicəsinə döyüb”  - VİDEO - FOTO
WhatsApp kanalımıza abunə ola bilərsiniz

“Qonşunun 25 yaşlı oğlu qardaşımın 10 yaşlı uşağını vəhşicəsinə döyüb”.

Avtosfer.az xəbər verir ki, bu şikayətlə bağlı (Qafqazinfo)ya Şəmkir rayonunun Yeni Həyat kənd sakini Qöncə İbrahimova müraciət edib.

Vətəndaşın iddialarına görə, hadisə azyaşlının itə daş atmasına görə baş verib:

“Dekabrın 18-də it uşağın üstünə hürüb. O da qorxduğu üçün daş atıb. Buna görə qonşunun 25 yaşlı oğlu İltifat Süleymanov qardaşımın oğlunu döyüb. Onun atası Elman Süleymanov isə uşağı təhdid edib ki, əgər bu barədə evdə desə, onun da, bacısının da başını kəsəcək, onu itə yedirəcək. Qardaşım fiziki məhdudiyyətlidir.

Qonşularının təhdidindən evdə qala bilmirlər. Hadisənin görüntüləri kameralara da düşüb. Uşaq ekspertiza olunub və bildirilib ki, bədənində ağır xəsarətlər var. Polisə də müraciət etmişik, lakin bir tədbir görülmür”.

Məsələ ilə bağlı DİN-in Mətbuat Xidmətinin Gəncə regional qrupuna müraciət etdik. Qurumun baş inspektoru polis kapitanı Eşqin Qasımov bildirib ki, sözügedən məsələ ilə bağlı Şəmkir Rayon Polis Şöbəsinə müraciət daxil olub:

“Müraciət əsasında məsələ ilə bağlı araşdırma aparılır və tezliklə hüquqi qiymət veriləcək”.

FOTO QALEREYA
ŞƏRH YAZ
Ad

E-mail

Şərh