Qonşu qadının başına vurub xəstəxanalıq etdi

Sumqayıtda qadına ağır xəsarətlər yetirən şəxsə cinayət işi açılıb.

Avtosfer.az xəbər verir ki, hadisə yanvarın 5-i saat 21 radələrində Sumqayıt şəhəri, Xəzər bağları, Dalğa küçəsində baş verib.

Belə ki, həmin küçədə yaşayan Şərifov Mikayıl Nurəddin oğlu qonşuluqda yaşayan Ələkbərova Mehparə İmanqulu qızı ilə mübahisə edib.

Nəticədə M.Şərifov əlində olan dəmir alətlə (kərki) M.Ələkbərovanın baş nahiyəsindən bir neçə zərbə vuraraq ona qapalı kəllə-beyin travması və digər ağır dərəcəli bədən xəsarətləri yetirib. Qadın ağır vəziyyətdə xəstəxanaya çatdırılıb.

M.Şərifov saxlanılıb.

Faktla bağlı Sumqayıt şəhər Pİ-də Cinayət Məcəlləsinin 126.1-ci (Qəsdən sağlamlığa ağır zərbə vurma) maddəsi ilə cinayət işi başlanılaraq istintaq aparılır.