Qubada yanğın törədənlərdən biri həbs olunub, ikisi cərimələnib - FOTO

Quba rayonunun müxtəlif ərazilərində biçilmiş taxıl sahələrinin qəsdən yandırılması ilə bağlı avqustun 3-də polis əməkdaşları tərəfindən üç nəfər müəyyən olunaraq saxlanılıb.

Avtosfer.az-ın məlumatına görə, araşdırmalarla bu qanunsuz əməllərin rayon sakinləri Bahadır Mehrəliyev, Səməndər Məmmədrəhimov və Vahid Abdullayev tərəfindən törədildiyi məlum olub. Onlar biçilmiş əkin sahələrini yandırdığına görə alov nəzarətdən çıxaraq daha geniş ərazilərə yayılıb.

Saxlanılanlardan B.Mehrəliyev həbs edilib, digər iki şəxs isə inzibati qaydada cərimələnib.