Quş hədəf aldığı qadınla birlikdə taksiyə mindi - VİDEO

Taksi gözləyən qadın arxasıyca düşən quşun hədəfindən qaça bilməyib. 
Avtosfer.az xəbər verir ki, sosial şəbəkələrdə maraqla qarşılanan hadisə Çinin Xenan əyalətində qeydə alınıb. Yolun müşahidə kameralarına düşən görüntüdən aydın olduğu kimi taksini gözləyən qadın quşun hücumuna məruz qalıb. Qadın çantasıyla quşu uzaqlaşdırmağa çalışsa da, o hədəfindən vaz keçməyib. Bu zaman yaxınlaşan taksi sürücüsü vəziyyətin dəyişmədiyini gördüyü üçün sərnişinə kömək etməyə çalışıb. Belə ki, avtomobilindən düşərək qadının maşına minməsini görənə qədər hadisəni müşahidə edib. İşin ən gülməli məqamı isə quşun sona qədər qadını nişan alması olub. Taksiyə əyləşən qadınla birlikdə avtomobilə daxil olan quş, onu burada da tək buraxmayıb.  

Nərmin