Rusiya dronu Kiyevdə retro avtomobillər muzeyini dağıtdı - FOTO - VİDEO

Kiyev yaxınlığında yerləşən retro avtomobillər muzeyi gecə saatlarında rusların dron hücumu nəticəsində ciddi zərər görüb.

Avtosfer.az UNİAN-a istinadən xəbər verir ki, bu barədə Ukraynanın hərbi administrasiyası məlumat yayıb.

Qeyd olunub ki, hücum zamanı muzeyin anqarında saxlanılan 9 qiymətli avtomobil tamamilə məhv olub, daha 27 avtomobil isə ciddi şəkildə zədələnib.

Muzeydə saxlanılan bu avtomobillər bir neçə onillikdən bəri kolleksiya olaraq toplanmış nadir və qiymətli eksponatlardır.