Rusiya İrana 3 yanğınsöndürmə təyyarəsi göndərdi

İranın Bəndər Abbas şəhərindəki Rəcai limanında baş verən partlayışdan iki gün keçməsinə baxmayaraq, İranın Yayım Korporasiyası (IRCC) yanğının hələ də davam etdiyini bildirib.

Avtosfer.az İran mətbuatına istinadən xəbər verir ki, Rusiya İranın tələbinə əsasən xilasetmə qüvvələri ilə birlikdə Rəcaiyə üç xüsusi yanğınsöndürən təyyarə göndərib.

Bu barədə İslam Respublikasının Moskvadakı səfiri Kazem Cəlali bildirib: "Mən şənbə günü gecə yarısı bu ölkənin hakimiyyət orqanları ilə əlaqə saxladım və istirahət günü olmasına baxmayaraq, gecə yarısı Şəhid Rəcai Limanında yanğını mümkün qədər tez dayandırmaq üçün xilasetmə qüvvələrini daşıyan iki B-200 və bir İlyuşin-76 təyyarəsi də daxil olmaqla üç xüsusi yanğınsöndürmə təyyarəsi göndərdilər".