Rusiyada kişi qatarda qətliam törətdi - VİDEO

Rusiyada qatarda dəhşət yaşanıb. Belə ki, sərnişinlərdən biri öz kupe yoldaşlarına bıçaqlı hücum edib.

Qorxunc hadisə Çuvaşiyanın (RF) Kanaş şəhəri yaxınlığında, Barnaul-Adler reysi ilə hərəkət edən qatarda baş verib.

Bildirilir ki, hücum edən şəxs kupenin yuxarı rəfini tutub. Naməlum bir səbəbdən o, qəfildən yerindən sıçrayaraq yoldaşlarını bıçaqlamağa başlayıb.

Hadisə şahidlərinin çəkdiyi kadrlardan görünür ki, iki aşağı rəf, qatlanan stol, qapılar və divarın bir hissəsi qana bulaşıb.

Zərərçəkənlər təcili xəstəxanaya yerləşdiriliblər. Həkimlər onların vəziyyətini ağır kimi qiymətləndirirlər.

Yol polisi hücum edən şəxsi saxlayıb. Hadisənin bütün şəraiti və səbəbləri araşdırılır.

oxu.az