Sahibsiz itlər 3 nəfərə xəsarət yetirdi - VİDEO

Naxçıvanda sahibsiz itlərin hücum çəkməsi nəticəsində 3 sakin xəsarət alıb.

Avtosfer.az xəbər verir ki, hadisə Babək rayonunun Cəhri qəsəbəsində baş verib.

 İtlər qəsəbə sakinləri 62 yaşlı Babayev Şakir Məmmədbağır oğlu, daha bir 62 yaşlı Fərhadov Famil Seymur oğlu və 61 yaşlı Rzayev Zeyvəli Salman oğluna hücum edib və onlara ciddi xəsarət yetirib.

Zərərçəkənlər Naxçıvan Muxtar Respublikası Xəstəxanasına yerləşdiriliblər. Xəsarət alanların ikisinin vəziyyətinin ağır olduğu bildirilir.

Babək rayonunun Cəhri qəsəbə sakinləri deyirlər ki, küçə itlərinin əlindən nəinki böyüklər, məktəbə gedən uşaqlar da əziyyət çəkir.

Hadisə ilə bağlı Cəhri qəsəbəsinin icra nümayəndəliyindən isə bildirildi ki, sahibsiz küçə itləri ilə bağlı onların edə biləcəyi heç bir şey yoxdur.