Samuxda mühafizə rəisi bıçaqlandı

Samux sakini bıçaq xəsarəti ilə xəstəxanaya yerləşdirilib.

Avtosfer.az "Teleqraf"a istinadən xəbər verir ki, 1979-cu il təvəllüdlü, 46 yaşlı Taleh Qafarov Gəncə şəhərindəki xəstəxanalardan birinə aparılıb.

Ona ilkin tibbi yardım göstərilib, vəziyyətinin kafi olduğu bildirilir.

Məlumata görə, T.Qafarov Samux rayonunda yerləşən Regional Yarımstansiyaların Mühafizə rəisidir və Lək kəndində yaşayır.

İlkin ehtimala görə, o, ərazidə qoyun otaran çobanla mübahisə edib və bu zaman bıçaqlanıb.

Faktla bağlı araşdırma aparılır.