Saxta spirtli içkidən 18 nəfər ölüb, 66 nəfər zəhərlənib

İranın Gilan əyalətində son günlər saxta spirtli içkilərdən istifadə nəticəsində 18 nəfər ölüb, 66 nəfər zəhərlənib.

Avtosfer.az “Report”a istinadən xəbər verir ki, bu barədə Gilan Tibb Elmləri Universitetinin rektoru Məhəmmədtəqi Aşubi bildirib.

Onun sözlərinə görə, son günlər ərzində saxta spirtli içkidən zəhərlənən 66 nəfər əyalətin Rəşt şəhərindəki tibb məntəqələrinə yerləşdirilib.

Rektor qeyd edib ki, saxta spirtli içki satmaqda şübhəli bilinən beş nəfər həbs edilib.