"Sədərək"də yanğın qəsdən törədilib, bir nəfər tutulub - RƏSMİ
Hadisə 10 Yanvar 2023 20:28 Oxunub 702
"Sədərək"də yanğın qəsdən törədilib, bir nəfər tutulub - RƏSMİ

Azərbaycan Respublikası Baş Prokurorluğu və Fövqəladə Hallar Nazirliyi“Sədərək” ticarət mərkəzində yanğınla bağlı birgə məlumat yayıb.

Avtosfer.az xəbər verir ki, məlumatda deyilir:

“Xəbər verildiyi kimi, yanvarın 8-i saat 18 radələrində Qaradağ rayonunda yerləşən “Sədərək” ticarət mərkəzində yanğın baş veib.

Baş vermiş hadisə ilə bağlı zəruri istintaq hərəkətləri aparılıb.

İlkin araşdırma zamanı ticarət mərkəzinin 15-16-cı sıralarında ümumilikdə 800 kvadratmetr sahəsində yerləşən 27 mağazanın Bakı şəhər sakini Əfqan Abdullayev tərəfindən qəsdən yandırılması, nəticədə icarədar və sahibkarlara külli miqdarda ziyan vurulmasına əsaslı şübhələr müəyyən edilib.

Faktla bağlı Fövqəladə Hallar Nazirliyinin Əməliyyat-istintaq idarəsində Cinayət Məcəlləsinin 186.2.1 (külli miqdarda ziyan vurmaqla əmlakı qəsdən məhv etmə və ya zədələmə) və 186.2.2-ci (yandırmaqla əmlakı qəsdən məhv etmə və ya zədələmə) maddələrilə cinayət işi başlanıb.

İş üzrə Əfqan Abdullayev şübhəli şəxs qismində tutulub.

Hazırda əməliyyat-istintaq tədbirləri davam etdirilir”.

ŞƏRH YAZ
Ad

E-mail

Şərh