Şəhər və 4 kənd qazsız qaldı; hasarın aşmasına görə - FOTO

Mayın 7-də günün ikinci yarsından sonra Qax şəhəri ərazisindən keçən qaz xəttinin üzərinə daş divarın uçması mütəxəssisləri bu qərarı vermək məcburiyyətində qoyub. Avtosfer.az "Bizim.Media"ya istinadən xəbər verir ki, Qax şəhəri, Vidadi küçəsində D108 mm-lik orta təzyiqli qaz xəttinin üzərinə daş divarın aşması nəticəsində Qax şəhərinin bir hissəsi, eləcə də Qaxingiloy, Qaxbaş, Ağçay və İlisu kəndlərində qazın verilişində fasilə yaranıb. Hadisə yerinə dərhal aidiyyəti qurumların əməkdaşları cəlb olunaraq daş divarın qalıqları ərazidən təmizlənib. Eyni zamanda təhlükəsizlik məqsədi ilə boru xəttində sızmanın baş verib vermədiyini dəqiqləşdirmək üçün iş aparılır. Hazırda ərazidə işlər davam etdirilir. Tədbirlər başa çatan kimi mavi yanacağın verilməsi bərpa olunacaq.