Şəhərin mərkəzində motosiklet “şou”su göstərdilər – Həbs olundular - VİDEO (YENİLƏNİB)

Paytaxt ərazisində motosikletlərin təhlükəli manevrlər etməsini əks etdirən görüntülər araşdırılıb.

DİN Mətbuat Xidmətindən Avtosfer.az-a bildirilib ki, görülən tədbirlərlə həmin motosikletlərin sürücüləri -  R.Məmmədzadə və A.Musazadə  müəyyən edilərək saxlanılıblar.

Hər iki şəxs barəsində İnzibati Xətalar Məcəlləsinin müvafiq maddələri ilə protokol tərtib olunmaqla aidiyyəti üzrə məhkəməyə göndərilib. 

Məhkəmənin qərarı ilə onların sürücülük hüquqları 1 il müddətinə məhdudlaşdırılmaqla R.Məmmədzadə 25, A.Musazadə 15 gün müddətinə inzibati qaydada həbs ediliblər.

***

19.08.2024 - 19:15

***
 

Şəhərin mərkəzində motosikletlərin təhlükəli manevrlər etməsini əks etdirən görüntülər araşdırılıb. Bakı Şəhər Dövlət Yol Polisi İdarəsindən Avtosfer.az-a verilən məlumata görə, motosikletlərdən biri Abşeron rayonunda, digəri isə Nəsimi rayonunda polis əməkdaşları tərəfindən müəyyən olunaraq saxlanılıblar. Həmin motosikletlərin sürücüləri barəsində qanunamüvafiq tədbirlər görülüb.

Bir daha moped və motosiklet sürücülərini diqqətli olmağa, hərəkət qaydalarına riayət etməyə çağırırıq.