Şəhərin mərkəzində piyadalar işıqforu heçə sayıb yolu qaçaraq keçdilər - VİDEO

Paytaxtın Səbail rayonu, Üzeyir Hacıbəyov küçəsində kütləvi şəkildə qayda pozan piyadalar avtomobilin kamerasına düşüblər.

Bu barədə izləyicilərdən biri Avtosfer.az-ın “WhatsApp” ünvanına video göndərərək şikayətini bildirib. Hadisə oktyabrın 16-da saat 17:12 radələrində qeydə alınıb. Kadrlardan göründüyü kimi, bir qrup piyada işıqforun qadağanedici işığına məhəl qoymadan qaçaraq keçiddən keçib. Bu zaman onlar görüntünü qeydə alan sürücüyə təhlükə yaradıblar. Hətta piyadalardan biri yaxınlaşan avtomobili görərək bir neçə saniyə yolun ortasında dayanıb, daha sonra isə fikrini dəyişərək geri çəkilib.

Şikayətçi bildirib ki, əlverişsiz hava şəraiti səbəbindən avtomobili ani şəkildə saxlamaq mümkün deyildi və bu, qəza riskini xeyli artırırdı.

Nərmin