Şəkər komasına düşən sürücünün maşını belə “uçdu” – VİDEO 

Yəqin bu il aprelin 10-da bakıda baş vermiş “uçan taksi” qəzasını çox adam xaırlayır. Bu hadisənin bənzəri Rumıniyada baş verib. 

Avtosfer.az xəbər verir ki, yüksək sürətlə hərəkət zamanı idarəetmədən çıxan “Mercedes” yol dairəsindəki deton bordürə çırpılaraq havaya qalxıb. Bu zaman maşın elə sürət yığıb ki, 2 avtomobilin üzərindən keçərək yanacaqdoldurma məntəqəsinə düşüb. Hadisəni məntəqənin təhlükəsizlik kameraları qeydə alıb. 

Avtomobilin bütün hava yastıqları açıldığı üçün sürücü yüngül xəsarətlə xilas olub. Avtomobil cəmi 5 metr sola “ensə idi” yanğın və partlayış qaçınılmaz olacaqdı.

Ekspertiza zamanı məlum olub ki, sürücünün idarəetməni itirməsinə səbəb anidən baş verən şəkər komasıdır. Bu halda sürücü anlaqsız vəziyyətdə olub, hadisələrə reaksiya verə bilməyib. Nəzarətdən çıxan avtomobil kənar qüvvələrin təsiri ilə top mərmisi kimi hərəkət edib.

Bununla belə, sürücüyə 350 avro (700 AZN) cərimə yazılıb, sürücülük hüququ 90 gün müddətinə məhdudlaşdırılıb. Bu müddətdən sonra tibbi müayinədən keçmədiyi təqdirdə sükan arxasına əyləşə bilməyəcək.

Qeyd edək ki, Avropa ölkələri uzun müddətdir xroniki xəstələrin sürücülük hüququnun məhdudlaşdırılması məsələsində yekdil rəyə gələ bilmir.

Vüqar