Şəkidə 5 otaqlı evdə yanğın oldu

Şəkidə 5 otaqlı fərdi yaşayış evində yanğın olub. 

Avtosfer.az apa-ya istinadən xəbər verir ki, bu gün rayonun Qoxmuq kəndində, kənd sakini Habil Abdullayevə məxsus, ümumi sahəsi 120 kv/m olan kürsülü birmərtəbəli 5 otaqdan ibarət fərdi yaşayış evində yanğın olub. 

Yanğın nəticəsində evin çardaq hissəsinin 60 kv/m-lik sahəsinin yanar konstruksiyaları yanıb. Evin qalan hissəsi yanğından mühafizə olunub. Yanğın zamanı xəsarət alan olmayıb. Yanğının söndürülməsi üçün əraziyə Şəki rayon Dövlət Yanğından Mühafizə Hissəsinin texnikası və şəxsi heyəti cəlb olunub. 

Faktla bağlı araşdırma aparılır.