Şəkidə ikisi azyaşlı olmaqla 3 nəfəri it dişləyib

Şəkidə ikisi azyaşlı olmaqla üç nəfəri sahibsiz it dişləyib.

Avtosfer.az-ın APA-ya istinadən məlumatına görə, rayonun Çayqaraqoyunlu kənd sakini, 2021-ci il təvəllüdlü Cəlal Niyaz oğlu Osmanov və Şəki kənd sakini 2017-ci il təvəllüdlü Zəhra Bəhram qızı Yadigarlı it dişləməsi xəsarəti ilə Şəki Rayon Mərkəzi Xəstəxanasına (RMX) müraciət ediblər.

Müayinə zamanı hər iki azyaşlının yaşadığı kəndin ərazisində sahibsiz itin hucumuna məruz qaldığı məlum olub.

C.Osmanova sağ budun, Z.Yadigarlıya isə sağ baldırın it dişləməsi dioqnozu qoyulub.

Günün birinci yarısında 60 yaşlı Şəki şəhər sakini Cahangir İbrahimxəlil oğlu Salmanov sağ baldırın it dişləməsi xəsarəti ilə Şəki RMX-a müraciət edib.

Hər üç şəxsə lazımi tibbi yardım göstərilib, quduzluq əleyhinə peyvənd vurulduqdan sonra ambulator müalicə almaq şərti ilə evə buraxılıblar.