![“Şuşa kart” istifadəyə verildi - FOTO](/upload/news/small/944381.jpeg)
Şəkidə siqareti ilə evini yandıran kişi xəstəxanada öldü - YENİLƏNİB
![Şəkidə siqareti ilə evini yandıran kişi xəstəxanada öldü - YENİLƏNİB](/upload/news/54615.jpg)
Bu gün Şəkinin Baş Kəldək kəndində baş verən yanğından sonra Şəki Rayon Mərkəzi Xəstəxanasına yerləşdirilən Mais Nəbiyev orada ölüb.
Avtosfer.az xəbər verir ki, yanğın zamanı ağır dərəcəli yanıq xəsarətləri alan 57 yaşlı Mais Nəbiyevi xilas etmək mümkün olmayıb.
Yanğın yaşlı kişinin yatdığı zaman baş verib və onun çarpayısı alışıb. M.Nəbiyevin köməyinə kənd sakinləri çatıblar. Qonşular dərhal müdaxilə edərək M.Nəbiyevi yanan evdən çıxarıb xəstəxanaya çatdırıblar. Şəki Rayon Mərkəzi Xəstəxanasının Reanimasiya şöbəsinə yerləşdirilən kənd sakinin içkili olduğu və çarpayının da siqaretdən alışdığı bildirilib.
(oxu.az)
***
Şəki rayonunda 57 yaşlı kişi yataqda yanıb.
Avtosfer.az xəbər verir ki, hadisə ötən gün axşam saatlarında rayonun Baş Kəldək kəndində qeydə alınıb.
Kənd sakini 1967-ci il təvəllüdlü Mais Qinyət oğlu Nəbiyev yataqda siqaret çəkib və o, yuxuya gedib. Yanan siqaret yuxuya gedən M.Nəbiyevin əlindən döşəyə düşərək yanğına səbəb olub. Qonşuların köməkliyi ilə yanğın söndürülüb.
M.Nəbiev ağır dərəcəli yanıq xəsarətləri ilə Şəki Rayon Mərkəzi Xəstəxanasına aparılıb. Onun vəziyyəti ağır olduğu üçün dərhal xəstəxananın Reanimasiya şöbəsinə yerləşdirilib.
Faktla bağlı araşdırma aparılır.