Şəkidəki dəhşətli qətlin təfərrüatları - FOTO

Şəki rayonunun Cəyirli kəndində 34 yaşlı qadın xəstə bacısının və iki azyaşlı övladlarının gözləri qarşısında amansızcasına qətlə yetirilib.
Avtosfer.az xəbər verir ki, bu barədə "Bizim.Media" hadisənin başvermə səbəbləri ilə bağlı məlumat əldə edib.
Belə ki, 34 yaşlı Zəhra Əliyeva ərinin çoxsaylı dələduzluqlarından bezərək 9 ay bundan öncə atası evinə gəlib və ondan boşanmaq və aliment tələbiylə Şəki rayon məhkəməsinə müraciət edib.
Lakin əri Həmid Əliyev məhkəməyə gəlməyib, barəsində məhkəmə tərəfindən axtarış elan olunub.
Bu gün səhər 8 radələrində Həmid Əliyev qaynatasının evinə gələrək uşaqları ilə evdə yatan həyat yoldaşı Zəhra Əliyevanı bıçaqlayıb.
Qeyd edək ki, Həmid Əliyev hadisə yerindən qaçıb.
Hazırda hüquq-mühafizə orqanları onun saxlanılması istiqamətində axtarış əməliyyat tədbirləri keçirir.