Şəmkirdə qonşular arasında dava: Bir nəfər bıçaqlanaraq ÖLDÜRÜLDÜ

Şəmkirdə baş vermiş qətlin bəzi təfərrüatı məlum olub.
Avtosfer.az oxu.az-a istinadən xəbər verir ki, Şəmkir rayon Zəyəm qəsəbəsində 1959-cu il təvəllüdlü Azad Mahmudov yaşadığı evdə mübahisə zəminində bıçaqlanıb. O, xəstəxanaya çatdırılsa da, həyatını xilas etmək mümkün olmayıb.
Hadisəni törətməkdə şübhəli bilinən isə onun həmyerlisi, 1973-cü il təvəllüdlü Sadıx İsmayılovdur. O, polis əməkdaşları tərəfindən saxlanılıb və istintaqa təhvil verilib.
Qəsəbə sakinlərinin bildirdiyinə görə, hər iki tərəf sakit təbiətli olub və kənd təsərrüfatı ilə məşğul imiş. Cinayətdən 2 gün öncə tərəflər arasında salam verməməyə görə mübahisə düşüb. Daha sonra S.İsmayılovun qardaşı və daha bir neçə nəfər onları barışdırmaq üçün mərhumun evinə gediblər. Lakin həmin evdə yenidən tərəflər arasında mübahisə düşüb və A.Mahmudov bıçaqlanaraq qətlə yetirilib. Hadisə zamanı mərhumun oğlu da evdə olub.
Həyat yoldaşı isə Rusiyada yaşayan qızının ailəsinin yanında olub.
Qeyd edək ki, A.Mahmudov uzun illər öncə stomatoloq çalışıb. Daha sonra Rusiyaya çalışmağa gedib, bir müddət orada yaşayıb. 10 il əvvəl ölkəyə qayıdıb və qəsəbədə kənd təsərrüfatı ilə məşğul olub.
Faktla bağlı Şəmkir Rayon Prokurorluğunda araşdırma aparılır.
***
Şəmkir rayonunda qətl hadisəsi baş verib.
Avtosfer.az oxu.az-a istinadən xəbər verir ki, hadisə rayonun Zəyəm qəsəbəsində qeydə alınıb.
1959-cu il təvəllüdlü Azad Mahmudov bıçaq xəsarəti alıb. O, xəstəxanaya aparılarkən yolda həyatını itirib.
İlkin məlumata görə, hadisəni 53 yaşlı qəsəbə sakini Sadıx İsmayılovun törətdiyi ehtimal olunur. Bildirilir ki, tərəflər qonşu olublar.
Hadisə yerinə polis və prokurorluq əməkdaşları cəlb ediliblər.
Polisin keçirdiyi tədbirlər nəticəsində S.İsmayılov saxlanılaraq istintaqa təhvil verilib.
Faktla bağlı Şəmkir Rayon Prokurorluğunda araşdırma aparılır.
Bu küçədə çuxurların əlindən hərəkət çətinləşib - Şikayətlər cavabsız qalıb - VİDEO
Bakıda sürücü avtobus sürməkdən imtina etdi: Türkiyəli xanım narazılıq etdi - VİDEO
Qırmızıda yolu qaçaraq keçən yaşlı kişi təhlükəli anlar yaşatdı - VİDEO
İqlim dəyişikliyi milyonadək insanın ölümü ilə nəticələndi
Nizamidə işıq dirəyinin lampası az qala maşının üstünə düşəcəkdi - VİDEO
Çuxurlar yolu iflic edib, sürücülər əks yola çıxmağa məcbur qalır - VİDEO
Təcili yardıma yol verən sürücünün avtomobilini vurdu, sonra ərazidən qaçdı - VİDEO
Xocasən yolundakı çuxurlar ya ziyan vurur, ya da qəza riski yaradır - VİDEO
İçərişəhərdə maşınını park edən idmançı qiymətdən şoka düşdü - VİDEO
Biləcəridə nəhəng ağac yolu bağladı, işi yarımçıq qoyub getdilər - VİDEO
Xırdalanda güclü külək binanın dam örtüyünü uçurdu – VİDEO












