Sərnişin avtobusu yandı, sürücü son anda XİLAS EDİLDİ
Hadisə 16 İyul 2022 21:46 Oxunub 1214
Sərnişin avtobusu yandı, sürücü son anda XİLAS EDİLDİ

İki fərqli bölgədə yanğın hadisəsi baş verib. Oğuz rayonunda şəhərdaxili marşrut avtobusu, tovuzda isə təmir sexi içindəki avtomobillərlə birgə yanaraq kül olub.

Yanğın qəfil başladı, alov mikroavtobusu ağuşuna aldı.

Hərəkətdə olarkən alışan maşın elə yolun ortasındaca alova təslim oldu.

Hadisə Oğuz rayonunun mərkəzində baş verib. Etibar Şükürova məxsus 1 saylı şəhərdaxili marşrut üzrə işləyən mikroavtobusu hərəkətdə olarkən qəfil od tutub. Yanğının söndürülməsi üçün hadisə yerinə Oğuz Yanğından Mühafizə Hissəsinin texnika və şəxsi heyəti cəlb olunub.

Yanğın nəticəsində marşrut avtobusu tamamilə yanıb. Hadisə zamanı mikroavtobusda sərnişin olmayıb. Sürücü isə yanğından xilas ola bilib.

Tovuzda isə avtomobil təmiri sexində yanğın baş verib. Hadisə şəhərin Aşıq Azaflı Mikayıl küçəsində qeydə alınıb. 

İlkin ehtimala görə, qısaqapanmadan baş verən yanğın qısa zamanda təmir sexini ağuşuna alıb. Hadisə zamanı sexdə beş avtomobil olub.

Əraziyə Fövqəladə Hallar Nazirliyinin Tovuz Yanğından Mühafizə Hissəsinin üç avtomobili və canlı qüvvəsi cəlb edilib. Ətrafdakılar və yanğınsöndürənlərin müdaxiləsi nəticəsində beş avtomobildən üçü xilas edilsə də, ikisi yanaraq külə çevrilib. 

Digər avtomobillərin yanğından xilas edilməsi zamanı vətəndaşlardan biri yanıq xəsarəti alıb. Əraziyə cəlb olunan Təcili Tibbi Yardım briqadası hadisə yerində vətəndaşa ilkin tibbi yardım göstərib. 

Hər iki faktla bağlı araşdırma aparılır.(Xəzərxəbər)

ŞƏRH YAZ
Ad

E-mail

Şərh