Sərnişin qatarın damında diri-diri yandı - VİDEO

Rusiyanın Stavropol diyarında biletsiz olduğu üçün qatardan düşürülən bir kişi təhlükəli addım ataraq vaqonun damına qalxıb. Avtosfer.az xəbər verir ki, hadisə zamanı o, yüksək gərginlikli elektrik xətlərinə toxunan kimi güclü cərəyanın təsiri ilə dərhal alovlanıb və qatarın üzərində diri-diri yanmağa başlayıb. Sosial şəbəkələrdə yayılan videogörüntülərdə şəxsin elektrik xəttinə toxunduğu an və ardınca alov içində qalaraq ağır vəziyyətə düşdüyü açıq şəkildə görünür. Görüntülər olduqca sarsıdıcı və dəhşətli xarakter daşıyır. Şahidlərin sözlərinə görə, hadisə saniyələr içində baş verib və müdaxilə etmək mümkün olmayıb. Ətrafda olan bəzi şəxslərin isə kömək etmək əvəzinə baş verənləri mobil telefonla lentə alması xüsusi narazılıq doğurub. /Musavat.com