Sərxoş halda maşın sürən keçmiş məhkum yol polisini vurub qaçdı - VİDEO

Avtomobil yol polisi əməkdaşını vurub. Avtosfer.az xəbər verir ki, Rusiyanın Leninqrad vilayətində baş verən hadisənin görüntüləri yol polisi avtomobilinin kamerası tərəfindən qeydə alınıb. 
Hüquq-mühafizə orqanlarının əməkdaşları qayda pozan “Hyundai Solaris” markalı minik avtomobilinin sürücüsünü saxlayıblar. Müayinə zamanı onun sərxoş olduğu üzə çıxıb. Qayda pozan sürücü bundan sonra qaçmağa cəhd edərək avtomobillə polis əməkdaşlarından birini vurub. Təqibə başlayan polislər bir müddət sonra onu yaxalayıblar.  Aparılan yoxlama zamanı onun əvvəllər məhkum olunmuş 34 yaşlı Kareliya sakini olduğu məlum olub. Hazırda həmin şəxsə dövlət məmuruna qarşı zor tətbiq etmə maddəsi ilə cinayət işi, habelə yol hərəkəti qaydalarını pozma və xırda avtoxuliqanlıq maddələri ilə inzibati qaydada protokol tərtib edilib.

Namiq Musayev