Sərxoş şəxs taksi sürücüsü ilə mübahisə edib ətrafı güllələdi - VİDEO

Ankarada alkoqollu vəziyyətdə olan M.K. adlı şəxs taksi sürücüsü ilə yaşadığı mübahisədən sonra üzərində daşıdığı silahla 3 dəfə havaya atəş açıb.

Avtosfer.az türk mediasına istinadən xəbər verir ki, hadisə 16 noyabr gecəsi Çankaya rayonunun Sokullu Mehmet Paşa məhəlləsində baş verib. Məlumata görə, Kızılaydan taksiyə minən və alkoqolun təsiri altında olduğu deyilən M.K. telefonunun olmadığı iddiası ilə sürücü H.H.K. ilə mübahisəyə başlayıb.

Mübahisə böyüdükdən sonra M.K. üzərindəki silahı çıxarıb. Taksi sürücüsü H.H.K. yardım almaq üçün avtomobili yolüstü başqa bir taksi dayanacağına sürüb. Bu anda M.K. silahla 3 dəfə atəş açıb. Hadisə anı dayanacağın təhlükəsizlik kamerasına da düşüb.

Polis qrupları hadisə ilə bağlı araşdırma apararaq M.K.-nı saxlayıb.

Şübhəlinin sərbəst buraxıldığı bildirilib./Sonxeber