Silahlı şəxslər avtobusa hücum etdi - 9 sərnişin ölüb

Silahlı şəxslər Pakistanın Bəlucistan əyalətində avtobusda 9 sərnişini öldürüblər.

Avtosfer.az xəbər verir ki, hadisə Bəlucistanın Zhob şəhəri yaxınlığında baş verib. Cinayətkarlar iki avtobusu saxlayıb, 9 sərnişini qaçırıblar. Sərnişinlərin meyitləri dağlıq ərazidə aşkar edilib.

Təhlükəsizlik qüvvələrinin səylərinə baxmayaraq, silahlı şəxslər qaranlıqdan istifadə edərək qaça biliblər.

Bölgədə genişmiqyaslı axtarış əməliyyatı aparılır.

Ölkənin Baş naziri Şahbaz Şərif və daxili işlər naziri Möhsin Nəqvi hadisəni təsdiqləyib və qətli qətiyyətlə pisləyiblər.