Siqnal səsi sürücünü özündən çıxardı: "Başını kəsərəm" - VİDEO

İstanbulun Eyüpsultan rayonunda yol hərəkəti zamanı sürücülər arasında mübahisə yaşanıb.

Avtosfer.az Haber7-ə istinadla xəbər verir ki, iddiaya görə, başqa avtomobilin zolağına çıxdığını düşünən sürücü siqnal verərək qarşı tərəfi xəbərdar edib. Buna əsəbiləşən digər sürücü avtomobili ilə onun qarşısını kəsib.

Avtomobildən düşən şəxs sürücünü "Canım boğazımdadır, başını kəsərəm" sözləri ilə hədələyib. Həmin anlar avtomobilin daxili kamerası tərəfindən qeydə alınıb. Sürücünün yanında olan qadın isə onu sakitləşdirməyə çalışıb.