Son 400 ildə ən nəhəng asteroid Yerə yaxınlaşır – TOQQUŞMA RİSKİ VARMI?

Şənbə günü iyunun 27-də Yerin yaxınlığından keçəcək asteroidi kiçik teleskop və ya binoklla izləmək mümkün olacaq. 

Avtosfer.az xəbər verir ki, bu barədə Avropa Kosmik Agentliyi məlumat yayıb.

Məlumatda göstərilir ki, bu ölçüdə səma cisimləri 10-15 ildə bir dəfə Yerin yayından ötür. Bu dəfə parlaq Ay işığı asteroidin müşahidəsinə mane ola bilər.

1997-ci ildə aşkar edilərək 1997 NC1 adlanan qayaşəkilli asteroidin ölçüsünün 750-1650 metr arası olduğu təxmin edilir. Digər ehtimala görə, ölçü daha kiçik ola bilər.

Asteroid şənbə günü Qrinviç vaxtı ilə saat 11.14-də (Bakı vaxtı ilə 14.14) 8,9 km/saniyə planetimizə ən yaxın məsafədən keçəcək. Yerlə asteroid arasında ən yaxın məsafə 2,57 milyon kilometr olacaq ki, bu da toqquşma ehtimalını sıfıra endirir. Maraqlı budur ki, belə ölçüdə səma cismi son 400 ildə ilk dəfə yerə yaxınlaşır.

Astronomik hesablamalara görə, yaxın 100 ildə Yerlə toqquşma riski olan asteroid yoxdur.

Səma cismini Şimal yarımkürəsində Yerə yaxınlaşarkən, cənubda isə uzaqlaşarkən müşahidə etmək mümkün olacaq.

Vüqar