Sumqayıtda dəm qazından KÜTLƏVİ ZƏHƏRLƏNMƏ - YENİLƏNİB

Yanvarın 5-i saat 01:50-də Sumqayıt Tibb Mərkəzinin Təcili Tibbi Yardım Xəstəxanasına dörd nəfər (kişi cinsli), Uşaq Xəstəxanasına isə bir nəfər (kişi cinsli) hospitalizasiya olunub.

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, dəm qazının toksiki təsiri diaqnozları təyin edilən şəxslərə zəruri tibbi xidmətlər göstərilib, onlar ambulator müalicə üçün evə buraxılıblar.

***

Sumqayıtda bir ailənin 5 üzvü dəm qazından zəhərlənib.

Avtosfer.az xəbər verir ki, hadisə Kimyaçılar yaşayış massivində qeydə alınıb.

Sumqayıt şəhər sakinləri 1969-cu il təvəllüdlü Xankişi Təvəkkül oğlu Ocaqov,onun oğlu 1993-cü il təvəllüdlü Murad Xankişi oğlu Ocaqov,1977-ci il təvəllüdlü Ramil Qiyas oğlu Şirinov,onun oğlu 2012-ci il təvəllüdlü Xəyal Ramil oğlu Şirinov və 1989-cu il təvəllüdlü Elvin Zaman oğlu Mirzəyev dəm qazından zəhərləniblər.

Onlar dərhal xəstəxanaya yerləşdirilib.

Faktla bağlı araşdırma aparılır.

(oxu.az)