Sumqayıtda yolun ortasında “Daewoo” alovlandı - VİDEO

Sumqayıt şəhəri, 12-ci mikrorayon ərazisində avtomobil alışaraq yararsız vəziyyətə düşüb.

Avtosfer.az-ın məlumatına görə, yanğın hadisəsi iyunun 30-da axşam saatlarında qeydə alınıb. Belə ki, yolun hərəkət hissəsində dayanmış “Daewoo Nexia” markalı avtomobil anidən alovlanmağa başlayıb. Maşının ön hissəsində başlayan yanğın qısa müddətdə nəqliyyat vasitəsinin salon və arxa tərəfinə yayılıb. Xoşbəxtlikdən hadisə zamanı avtomobildə insan olmayıb. 

Hadisə yerinə Fövqəladə Hallar Nazirliyinin (FHN) Dövlət Yanğından Mühafizə Hissəsinin yanğınsöndürən maşını və canlı qüvvələri cəlb edilib. Avtomobilin qalan hissəsi və ətraf ərazilər yanğından mühafizə olunub.

Qeyd edək ki, yanğının hansı səbəbdən baş verməsi bilinmir.

Nərmin