Taksi sürücüsündən pulunu ala bilməyən sərnişin üsyan etdi - VİDEO

Sərnişin sürücüdən pulun qalığını istədi, o isə sadəcə 1 manat verməklə uzaqlaşdı. 
Avtosfer.az xəbər verir ki, sosial şəbəkələrdə müzakirə mövzusuna çevrilən video elə şikayətçinin özü tərəfindən lentə alınıb. Kadrlarda əksini tapan dialoqdan bəlli olduğu kimi sərnişin taksi sürücüsünə olan şikayətini dilə gətirib. Belə ki, “Toyota Prius” markalı, 77-BD-998 dövlət nömrə nişanlı taksi sürücüsü yazılan məbləğdən artıq pul alıb və qalığı qaytarmayıb. Səbəbini soruşduqda isə sürücü xanımı 20 dəqiqə gözlədiyini bildirib. Sərnişin gözlətmənin qarşılığında verdiyi pulu istisna sayaraq yenə də sürücünün verdiyi məbləğin ikiqatını mənimsədiyini bildirsə də, sürücü sadəcə 1 manat verməklə kifayətlənib. Etdiyi əməli sosial şəbəkələrdə paylaşaraq, avtomobilinin nömrəsini də qeyd edəcəyini vurğulayan sərnişinə cavabında isə sürücü, “problem deyil, çəkin paylaşın” deyə bildirib.

Nərmin Əkbər