Taksi sürücüsünü döyən AA seriyalı avtomobilin sahibi görün kimdir - VİDEO (YENİLƏNİB)

“Torqovıy”da yolu bağlayıb taksi sürücüsünü döyən 77-AA-019 dövlət qeydiyyat nişanlı avromobilin sahibi və avtomobili idarəetmə hüququ olan şəxsin kimliyi bəlli olub.

Avtosfer.az Ajans.az-a istinadən xəbər verir ki, avtomobili idarəetmə hüququ olan Abşeron sakini 1991-ci il təvəllüdlü Mütəllimov Namiq Fərhad oğlu “Mastel Holding” MMC nin sex rəisi vəzifəsində çalışır. 77-AA-019 dövlət qeydiyyat nişanlı avtomobilin sahibi isə “SSMOVİE” MMC-dir

Qeyd edək ki, “SSMOVİE” MMC-yə il gömrük qaydaları əleyhinə olan (Mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi) inzibati xəta protokolu tərtib edilib. Bu protokol İnzibati Xətalar Məcəlləsinin 485.2-ci maddəsi ilə iddası ilə irəli sürülüb. Şirkətin məhkəməyə verilmə məlumatları Fed.az saytından götürülüb. Taksi sürücüsünü kimin döydüyü barədə hələ ki dəqiq açıqlama yoxdur.

**

Bakının mərkəzində yolu bağlayıb taksi sürücüsünü döydülər.

Avtosfer.az xəbər verir ki, bu barədə görüntülər sosial şəbəkələrdə yayılıb.

Belə ki, gecə təxminən saat 03:00 radələrində "Torqovıy" adlanan ərazidə gediş haqqını istəyən taksi sürücüsü ilə sərnişin qismində olan xanım arasında münaqişə yaranıb. Zəng edərək öz yaxınlarını hadisə yerinə çağıran xanımın yaxınları taksi sürücüsünə qarşı zor tətbiq ediblər.

Xanımın ora çağırdığı yaxınları ictimai qayda-qanunu kobud şəkildə pozaraq, cəmiyyətə açıqca hörmətsizlik edib, taksi sürücüsü üzərində zor tətbiq edərək qərəzli hərəkətlər etmiş olan 77-AA-019 dövlət qeydiyyat nişanlı avtomobilin sürücüsü avtomobili ilə yolu bağlayaraq hərəkətə maneə törədib.