Taksi sürücüsüylə sərnişin arasında dava: “Avtobusdur ki, 6 nəfər minirsiniz?” - VİDEO

Paytaxtın Sabunçu rayonu, Ramana qəsəbəsində sürücüylə sərnişin arasında mübahisə baş verib.

Avtosfer.az-ın məlumatına görə, sürücü bu barədə sosial şəbəkə hesabında paylaşım edib. Belə ki, taksi fəaliyyətiylə məşğul olan sürücü arxa oturacaqda əyləşən 4 nəfərə müraciət edərək onlardan birinin önə keçməsini bildirib. Bu zaman sərnişinlərdən biri öndə başqa bir xanımın əyləşəcəyini qeyd edib. Sürücü isə 5 nəfərin avtomobillə daşınmasına icazə verilmədiyini vurğulayıb. Maşından düşən sərnişin “Dəhşətsiniz, bu maşına 6 nəfər yerləşər” deyərək sürücüyə iradını bildirib. O isə “Ay xanım, avtobusdur ki, 6 nəfər minirsiniz?” deyə, əsəbi halda cavab verib. 

Qeyd edək ki, avtomobilin arxa oturacağında 4 nəfərin əyləşməsi sərnişin daşınması qaydalarına ziddir və İnzibati Xətalar Məcəlləsinin 327.2-ci maddəsi ilə nizamlanır. 

Nərmin