Taksidə söyüş söyüb pulu ödəmədən getdilər - BAKIDA - VİDEO

Sosial şəbəkələrdə taksidə sərnişinlərin davranışı ilə bağlı görüntülər yayılıb. Kadrlarda üç sərnişinin avtomobildə bir-biri ilə söyüşlə danışdığı və nalayiq hərəkətlər etdiyi görünür.

Avtosfer.az xəbər verir ki, görüntülər “Taksiblogger” adlı sosial şəbəkə səhifəsində paylaşılıb.

Məlumata görə, sürücü sərnişinləri sakit olmağa çağırıb. Təyinat yerinə təxminən 3 kilometr qalmış sürücü onların davranışına etiraz edərək sakit olmalarını tələb edib.

Lakin buna baxmayaraq, sərnişinlər gediş haqqı olan 10 manatı ödəmədən avtomobildən düşüblər.

Görüntülər sosial şəbəkələrdə müzakirələrə səbəb olub. İstifadəçilər sərnişinlərin davranışını və gediş haqqını ödəmədən avtomobildən düşməsini tənqid ediblər.

Eltac Zülfüqaroğlu